Керәшен Сәрдәсендә "Ягымлы яз" керәшен гүзәллек конкурсына әзерләнәләр

Быел инде бәйге бишенче тапкыр уздырыла. Юбилей елы булганлыктан, бәйгенең уздыру форматына да зур үзгәрешләр кертелгән. Башка елларны бәйгедә авыл кызлары гына көч сынаша иде. Быел конкурста күрше тирә керәшен авылларының чибәрләре дә катнашачак, дип хәбәр итә "Сәяр" ансамбленең җитәкчесе Айдар Маннапов. Болай барса, "Ягымлы яз" районкүләм конкурсына әверелеп куюы да ихтимал.
Шулай ук яз бәйрәменә башка керәшен авыллары ансамбльләре дә көтелә. Моннан тыш, тамашачылар өчен авылның "Сәяр", "Чулпы" ансамбльләре катнашындагы җыр-биюле, кызыклы концерт программасы әзерләнгән.