Катын-кыз заты Алла булдырган нястялярнен иҥ матуры

Катын-кыз заты Алла булдырган нястялярнен иҥ матуры. Алла иҥ элеккеге ирне — Адаманы балчыктан булдырган, иҥ элекеге катынны — Еваны Адамнын ӱзеннян булдырган. Алла Адамны каты жоклатыб, анын бер кабыргасын алыб, аҥар катыны Еваны булдырыб биргян.

Алла ирлярне гня тӧгӧл, катыннарны да Ӱзеня ошаулы итеб булдырган: Ул, акыллы, ӱлмей торган, ирекле ңанны ирляргя биргян кюк, катыннарга да биргян.

Алла катыннарга кюря ирляргя кюберяк кӧч биргян, аҥар карауы Ул катыннарга тян матурлыгын артыгырак биргян; аннары тагы жомошак кюҥел биргян.

Алла катыны ӱз иреня булышыучы куш итеб биргян, аннары иренен кюҥелен тынычландырыб, сӧйӧндӧрӧб, жомошатыб, ирен кадкрляб торсон диб бойорган.

Алла катынны жирдя ӓдям няселен ӱрчетергя булдырган; балаларын туйдырыб ӱстререӱ гня тӧгӧл, аларны жяш чагынды арыуга ӧйрятеӱче, Алла турысын аҥнатыучы гел анасы гна була.

Алла Ӱзе катын-кызны бик кадерле итеб куйгач, алар кеше арасында кадерле булырга тейеш.

Катын-кызны кимсертеб рянжетеӱ тӧгӧл, аларны ӓр чакта да ӓр тӧштя дя тейешлечя кадерляргя киряк.