Чаллы керәшеннәрендә – юбилей!

Сара Садыйкова исемендәге концертлар залы халык белән шыгрым тулы булды. Бу - Чаллы шәһәрендә керәшеннәрнең күп икәнен, актив булуын, башкалар тарафыннан хөрмәтләнүен күрсәтә торган факт. Чөнки бәйрәм кичәсенә карендәшләребез генә түгел, башка милләт кешеләре дә күпләп килгән иде. Соңгы елларда Виталий Агапов җитәкләгән Чаллы керәшен җәмгыяте адресына котлау сүзләре дә, рәхмәт сүзләре дә, мактау сүзләре дә күп яңгырады. Бу көнне тагын "Карендәшләр" халык фольклор ансамбле җыручыларын да, керәшен җәмгыятенә нигез салган ветеран-активистларны да олыладылар. Юбилей кичәсе репортажы белән "Туганайлар"ның киләсе саныннан таныша аласыз. Түбәндә кичәдән фоторепортаж бирәбез.