"Бәрмәнчек"ләр Татарстан комсомолларын котладылар - фото, видео

«Комсомол белән аерылышмыйм, мәңге яшь булып калам...» барлык комсомолларның үзенчәлекле гимнына әверелгән әлеге җырның сүзләренә 28 ноябрь көнне В. И. Ленин исемендәге мәдәният йортына, Татарстанда комсомол оешмасының 100 еллыгына багышланган очрашу кичәсенә җыелган йөздән артык комсомол ветераннар бердәм кушылды. Бу турыда "Бәрмәнчек" ансамбленең матбугат хезмәте хәбәр итә.

Бөтенсоюз Ленин коммунист яшьләр берлеге инде күптәннән яшәүдән туктаса да, алар әлеге истәлекле дата турында онытмыйлар. Моннан тыш, кайчандыр дөньяда иң зур яшьләр оешмасы туган көне, күпләр өчен хаман да яраткан бәйрәмнәрнең берсе булып кала бирә.

Концерт кунакларын ветеран комсомоллардан торган «Надежда» үзешчән коллективы, Юрий Когон җитәкчелегендәге Казан шәһәренең «Фантазия» хатын-кызлар джаз-оркестры, «Сәйдәш» бию театры һәм керәшеннәрнең дәүләт фольклор ансамбле «Бәрмәнчек» котлады. "Бәрмәнчек" ансамбле Идел буе халыклары киемнәренә киенеп төрле милләт җыруларына тезмә башкарды.

Керәшен дөньясындагы яңалыкларны “Туганайлар” сайтыннан һәм “ВКонтакте”, “Инстаграм”, “Одноклассники” һәм “Фейсбук” социаль челтәрләрендәге группалардан укып, белеп барыгыз.