"Бәрмәнчекләр" Себергә барып җиткән

Шушы атнада гына "Бәрмәнчек" коллективы Новосибирск шәһәрендә узган Сабантуеннан кайтып төште. Алар анда себер татарлары белән курешеп, аларның культурасы белән танышып, үзләрен дә күрсәтеп кайтканнар.

Ансамбльнең художество җитәкчесе Эльмира Кашапова әйтүенчә, "Бәрмәнчек" Новосибирскида сенсация ясаган. Алар керәшен, нагайбак, татар, рус номерлары белән чыгыш ясаганнар. Себер татарлары аларны тагын чакырып калган. Инде икенче атнада, 17 июньдә, коллектив, Мамадыш районы артистлары белән бергә, Магнитогорск Сабантуена китәчәк. Алар анда нагайбак керәшеннәре программасы белән чыгыш ясарга җыеналар.