Борды авылы нинди кунак кабул иткән?

Бу очрашуны авыл китапханәчесе, яшьләр хәрәкәте активисты Елена Маслова оештырды. Елена Валентина Петровнаны Бордыга яз айларында узган Керәшен яшьләре форумыннан бирле чакырган. Һәм менә декабрь ае җиткәч, җаен табып, Валентина Максимова да Борды авылына барып чыккан.

Елена Маслова үз эшенең энтузиасты. Кызыклы очрашулар, мастер-класслар оештырып, авыл халкында китапханәгә карата икенче караш уяткан кеше ул. Бордыда китапханәсендә күңелле тормыш алып баралар. Валентина Максимованы да Елена Маслова авыл халкын керәшен этникасы белән якыннан таныштыру өчен чакырган. Белгеч очрашуга килгән кешеләргә керәшен күлмәге бизәкләре, һәрбер костюм элементлары турында сөйләгән. Валентина Петровна да очрашудан канәгать калып, бордыларның актив тормышына сөенеп кайткан.