8 Март - Халыкара хатын-кызлар көне!

Кадерле хатын-кызлар!

Сезне язның иң беренче, иң күңелле бәйрәме - Халыкара хатын-кызлар көне - 8 Март белән ихлас күңелдән тәбрик итәбез!

Язгы кояш нурлары һәм сезнең ягымлы елмаюыгыз белән яктыртылган бу көнне һәрчак түземсезләнеп көтеп алабыз. Бүген илебездә мәхәббәт, игелек, аналарга һәм хатын-кызларга карата тирән ихтирам хисләре тантана итә. Милләтенә, диненә, яшенә, социаль хәленә карамастан, без барча гүзәл затларыбызга дан җырлыйбыз һәм кадер-хөрмәт күрсәтәбез.

Хөрмәтле гүзәл затларыбыз, тормышыгыз шатлык белән тулсын, якын кешеләрегез кадерегезне белеп яшәсен! Безнең кыштан арыган йөрәкләребезгә язның беренче җылы нуры булып керүче бүгенге бәйрәм сәламәтлек, бәхет һәм бәрәкәт китерсен!

Көннең яктылыгы - кояшта,
Күкнең матурлыгы - йолдызларда,
Җир йөзенең гүзәллеге - хатын-кызларда!