Лариса Долгова Татарстан Республикасы Фәннәр Академиясенең стипендиясенә лаек булган

2017-2018 уку елында әлеге стипендияне Татарстаннан барлыгы 15 студентка гына билгеләгәннәр. Лариса исә КФУның Татар әдәбияты кафедрасында язылган эше өчен бу стипендияне алачак.

Лариса Долгова - уку алдынгысы, Татаристика һәм тюркология югары мәктәбендә тәрбия чараларында актив катнаша, диелә КФУ сайтында. Инде беренче курста укыганда ук фольклор практика вакытында Питрәч керәшеннәре авыз иҗаты буенча 220 биттән артык материал туплап, курс эше язган. Лариса фәнни-практик конференцияләрдә дә уңышлы чыгыш ясый.