Успение уразасына кердек

Успение уразасы беренче - Бал Спасыннан соңгы Спаска кадәр дәвам итә. Православлар 28 август - Алланы тудырган Изге Кыз Марияның бу дөньядан күчкән көненә ураза тортып әзерләнә. Успение уразасы дүрт озын уразаның берсе булып санала. Олы уразадагы кебек, Успение постында да сөтле ризыклар, күкәй, ит продуктлары тыела.  19 август - Урта Спаста - Ходайыбыз Иисус Христос яктырылган көнне балык ашарга рөхсәт ителә. Боларга өстәп, чиркәү кушуы буенча, понедельник, среда, пятница көннәрендә яшелчәләрне чи килеш, пешермичә ашарга кирәк; вторник, четверг көннәрендә пешкән ризык; суббота, воскресенье шәраб һәм үсемлек мае кабарга ярый.

Успение уразасында да, ашаудан гына тыелып калмыйча, шулай ук шау-шу куптарып күңел ачуларга бирелмәскә, күңелне начар уйлардан һәм гамәлләрдән аруландырырга кирәк.

Тоткан уразаларыбызны Ходай кабул итсен!