Туганайлар

6 ноябрь - Димитрий субботасы - үлеләрне искә алу көне

Бу - Изге, олы азапланучы Димитрий Солунскийны искә ала торган көн (8 ноябрь) алдындагы суббота

Үлгән туганнар, карендәшләрне искә алабыз. Чиркәүләрдә искә алу (Панихида) уздырыла.
Элек бу суббота Куликово явында ятып калган солдатларны Димитрий Донской кушуы буенча искә ала торган көн булган.

Бу көнгә иман:

"Эй Ходай! Ӱз мяндяляреҥнеҥ жаннарын, ауыртыу, кöйöк, кайгырыу жук жирдя, мяҥге тормошта, äӱлеяляреҥ белян бергя тынычландыр".

Христос дине өчен күп азапларга чыдаган Изге Димитрий Солунский тормышы.

Изге Димитрий грек җирендәге Солун каласында туган. Ул славян тыумасыннан. Димитрийның атасы кала башлыгы булган. Бу гаилә яшерен христианнар булган.

Алар Аллага тау итеп, изге эшләр эшләп, Алла өе - чиркәүгә ярдәм итеп яшәгәннәр.

Ата-анасы үлгәч, Димитрйй бик олы байлыкка ия булган.

Ул багыттагы патша Максимиан аны чакырып, акыллы, бик ипле икәнен күреп аны атасы урынына Солун каласына башлык итеп куйган. Патша Димитрийга Солундагы христианнарны сыннарга табындырырга, табынмасалар азаплап үтерергә кушкан.

Солун халкы аны олылап каршы алган. Димитрий андагы христианнарны үтерү түгел, үзенең Христоска ышанганын бар калыкка әйтеп, Ходай Iисус исемен данлап, бар калыкны чын Алланы данларга өйрәткән.

Патша боларны ишеткән, аны чакырткан. Димитрий бар малын ярлыларга өләшеп бетергән, патша янына киткән.

Ул бер дә курыкмыйчы Христос динен тотканын әйткән, сыннарга табынуның буш нәрсә икәнен аңлатып биргән. Патшаның бик ачуы килеп, аны төрмәгә яптырган.

Ябылыуда Димитрйй гел Алланы данлап торган, Алладан ныклык сораган. Алла пәриштәсен җибәреп, аны ныклаган. Пәриштә әйткән: "Эй Христос өчен азапланучы, тынычлык сиңа, батырлан, ныгы".

Солдатлар килеп Димитрийны келәү итеп торганда сөңгеләр белән чәнчеп үтергәннәр.

Христианнар Димитрийның тәнен алып олылап күмгәннәр.

Берничә елдан соң казыгач, Димитрийнең тәне черемәгән килеш табалар. Тәнне көмеш гробка салып, анда олы чиркәү торгызганнар. Изге Димитрий Солун каласын күп бәләләрдән, сугышлардан коткарган, чирлеләрне савыктырган. Хәзер дә изге Димитрийга теләктән күп кодрәтләр килә.

"Жития святых" (кряшенняр öчöн)" кенәгәсеннән.

Эй, изге оло азапланыучы Димитрий, безнең өчен Ходайга инәл, җаннарыбызны коткарсаң иде.

 

Керәшен дөньясындагы яңалыкларны ВКонтакте, Инстаграм, Телеграм-каналда карап барыгыз. 

Хәбәрләрегезне 89172509795 номерына "Ватсап" аша языгыз.

Telegram-канале
Подробнее: http://tuganaylar.ru/news/novosti/aybagyru-byt
Telegram-канале
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: