Җилләр искәндә

Агыла ла болыт, ай, агыла,

Таулардан да тауга кагыла,

Таулардан да тауга кагыла.

Кушымта:

Агыла болыт җилләр искәндә,

Өзелә үзәк искә төшкәндә.

Ак калфаккайларың күтәр-күтәр,

Кыйблалардан искән җил үтәр,

Кыйблалардан искән җил үтәр.

Кушымта

Түгәрәк яулыкның, ай, парчасы,

Һәрбер яулыкларда булсачы.

Һәрбер яулыкларда булсачы.

Кушымта

Бу гомерләр бездән үтеп китәр,

Тату йөргәннәргә ни җитәр,

Тату йөргәннәргә ни җитәр.

Кушымта

Сез, туган айларның нурлы йөзе,

Көн дә күз алдымда булсаңчы,

Көн дә күз алдымда булсаңчы.

Кушымта