Анатолий Цыганов: «Үткәннәргә юл юк яңадан»

Юкка гына айны моңсу диләр...
Мин, сабыр, дип уйлыйм нигәдер.
Көн озынын җыйган кояш нурын
Төннәр буе җиргә сибә ул.

Бер тәвәккәл тырыш хуҗа кебек,
Барлап йөри авылын, урманын,
Елгаларның бозлы күперләрен,
Эскертләрнең кайда торганын.

Гүя әйтә кебек; ”Еллар уза,
Үткәннәргә юл юк яңадан.
Алга кара”. Уйга чумып ятам,
Сабырлыкны алып аңардан.

Алга карыйм. Зур сынаулар үтеп,
Ераклашып бара иске ел.
Хыялларны чынга ашырырга,
Бик ашыга яңа изге ел.

Верхнебагряжский сельский дом культуры