“Келәү” китабын эзлим

Исәнмесез, хөрмәтле "Туганайлар" гәҗите хезмәткәрләре!

Сезгә һәм гәҗит укучыларга зурдан-зур сәламнәремне ирештереп калам. "Туганайлар"ны чыга башлавының беренче көннәреннән бирле алдырам. Подписка кампаниясе башлангач ук, соңга калмыйм тагы, дип, яздырып куям. Яңа саны килүен якын кунакны көткән кебек көтеп алам. Миңа инде 82 яшь, әллә кая барасым юк. Барыйм, дисәм дә йөри алмыйм - аякларым авырта. Уку өчен вакытым күп. Үзебезнекеләр турындагы хәбәрләр белән әнә шулай, сезнең гәҗит аша танышам. "Туганайлар"да Клара Булатованың "Ке-ләү" китабы турында байтак язылды. Шул китапны кулга төшерәсе килеп, кибетләрдән эзләттердем. Тик - файдасыз. Сатуда юк икән. Сездә алай-болай ул китап калмадымы? Булса, өч-дүртне алып, якыннарыма да бүләк итәр идем. Ул китапны яңадан бастырып булмыймы икән соң?

Хөрмәт белән

П. БАЙРАШЕВА,

Казан

Редакциядән:

Кызганычка каршы, "Келәү" китабы редак-циябездә дә калмады шул. Клара апаның иҗат кичәсенә баргач, таратучыларда ул китапларның күп икәнен күргән идек. Бу хатны укыгач, редакция белән элемтәгә керүләрен көтеп калабыз. Пелагея түтине китаплы итик. Яңадан бастырып булмыймы, дигән сорауга редакция җавап бирә алмый.