Сәвәләйдә өлкәннәрне бәйрәм иттергәннәр

Бу көнне Мәдәният йортында җылы һәм күңелле атмосфера хөкем сөрде. Кунакларны талантлы артистлар башкаруында яңгыраган матур җырлар һәм дәртле биюләр һәркемне сөендерде.

«Кичәнең төп бизәге, әлбәттә, безнең хөрмәтле өлкән авылдашларыбыз булды. Алар бер-берсе белән рәхәтләнеп аралаштылар, элек булган хәлләрне искә алдылар, җылы истәлекләр белән уртаклаштылар. Аларның күзләре шатлыктан ничек янып торганын һәм дуслары, күршеләре арасында вакыт үткәрү алар өчен күпме рәхәтлек китергәнен күрә алдык.

Бу кичә өлкән буын өчен чын бәйрәмгә әверелде, ял итәргә, позитив эмоцияләр алырга һәм авылдашларның кайгыртуын һәм игътибарын тоярга мөмкинлек бирде», – дип язды мәдәният йорты җитәкчесе Ләйлә Сабаева.

 

Фотолар Ләйлә Сабаевадан.

Ләйлә Сабаева фотолары