«Кряшен чибяре» конкурсына гаризалар кабул итү башланды

Конкурста 16-28 яшьтәге һәрбер керәшен кызы катнаша ала. Аларның халкыбыз культурасын, мәдәни кыйммәтләрен, борынгыдан сакланып килгән традицияләрен өйрәнүдә һәм саклауда үз өлешләрен кертергә омтылулары шарт. 

Конкурс 4 этаптан торачак:

• катнашу өчен рәсми портал аша заявка-гариза бирү;
• финалистларны сайлап алу;
• әзерлек этабы 14-17 майда Казанда оештырыла. Кызларга конкурс сәхнәсендә чыгыш ясау өчен әзерләнергә белгечләр ярдәм итәчәк.
• «Кряшен чибяре» конкурсының финалы 18 июльдә Мамадыш районының Җөри авылы янындагы «Питрау» республика керәшен культурасы бәйрәмендә булачак.

Конкурста катнашу өчен шушы сылтамага басып гариза тутырырга кирәк.

Игътибар! Гаризалар 20 апрельгә кадәр кабул ителә.

Белешмәләр өчен телефон ( эш көннәрендә  9:00-18:00 кадәр): 8-905-317-28-98 

Катнаш, бәлки нәкъ менә син «Кряшен чибяре-2026» титулына ия булырсың!

Эльмира Шрыкова фотосы.

Фотода «Кряшен чибяре-2025» конкурсы финалистлары.