Алма киптерәбез

Баштан алмаларны әйбәтләп юабыз. Орлыклы үзәген кисеп алабыз. Ярымтүгәрәк, түгәрәк яки телемләп турыйбыз. Кисәкләр калын булмасын. 

Алмаларны киң савытларга таратып салып яки җепкә тезеп киптереп була. 

Беренче вариантта бер рәт итеп яссы савытка тезәргә һәм дүрт көнгә кояш астында калдырырга кирәк. Тигез кипсеннәр өчен, аларны көн саен әйләндергәләп торыгыз.

Икенче ысул — туралган алма телемнәрен җепкә кидертеп, бөҗәкләр тимәслек урынга элеп киптерү.  

Җилле, кояшлы урында киптергәндә, чебен кунмый. Кичен түбә астына кертәбез, иртән яңадан чыгарабыз. 

Фото: https://pixabay.com/