Укытучы, оста бакчачы – Нина Васильева

Нина Михайловна үз гомерен мәктәпсез, укучыларсыз күз алдына да китерми. Ул 3нче класс укучыларының икенче әниләре. Авыл халкы да Нина Михайловнаны бик ярата, хөрмәт итә. Ата-аналар, аның классында укысыннар өчен, балаларын 6 яшьтән үк мәктәпкә бирәләр.

 –  Балаларның елмаюлары, шатланып кочаклаулары, үз итүләре минем өчен иң зур этәргеч, – дип әйтә остаз.

Бетмәс-төкәнмәс мәктәп эшләрен тәмамлап кайткач, ул җанына тынычлык һәм ял ала торган урынга – үзенең бакчасына юл тота. Ире Сергей белән алар хуҗалык эшен бергә алып баралар. Җәй айларында иң зур булышчылары – оныклары да кайта. Кура җиләге уңышы Михайловлар гаиләсен көз айларына кадәр шатландыра.

 –  Бакча эшен мин кеченәдән үк яратам, әти белән әнинең дә өлеше зур монда. Шушы мул уңышны үстерүнең бер генә сере бар – яратып карасаң, алар белән сөйләшсәң барысы да уңа, – дип сөйләде Нина Васильева.