Сарман районы Ләке балалар бакчасы “Безнең куллар тик тормыйлар” конкурсында беренче урынны алды. ФОТО

Анда Краснова Галина танып- белү өлкәсендә ачык шөгыль күрсәтте. Балалар шөгыльдә бик актив булдылар, белемнәре тирән һәм ныклы, моның өчен Галина Николаевна барлык көчен куеп эшли. Ильдарханова Алсу Мортамак балалар бакчасы тәрбиячесе, эшлекле уен уздырды, Хаертдинова Гөлназ әти-әниләр белән эш тәҗрибәсе турында уртаклашты.

Шулай ук ел башында "Безнең куллар тик тормыйлар" ( татар халык әкиятләре) буенча конкурс игълан ителгән иде, барлык әти-әниләр дә зур тырышлык күрсәткәннәр. Ләке балалар бакчасы беренче урынны, Рангазар - икенче, Мортамак- өченче булдылар. Ә калган балалар бакчалары актив катнашканнары өчен грамота белән бүләкләнделәр. Афәрин!

Лилия Шакирова,

Сарман "Ләйсән"балалар бакчасы өлкән тәрбиячесе