Мәләкәс авылында Нардуганны зур бәйрәм белән тәмамлаганнар

Йоласына туры китереп бәйрәмне, "Питрау" керәшен халык фольклор коллективының яшүсмерләре һәм "Питрау-бәләкәч" ансамбле, иман җырыннан башлап җибәрде. Коллективның өлкән буыны нардуганнар булып киенеп чыгып кич утырды, борынгы керәшен җырларын җырлады, халык белән "Йөзек салыш", "Бармаклы" уеннары уйнады. Яшьләр "Шәм агызу", "Итек ату" кебек юрауларны искә төшерде. Тамашачылыр арасында такмакчылар ярышы уздырылды, быелгы елның символы булган кабанга презентация ясады, дип хәбәр итә "Питрау" коллективы җитәкчесе Людмила Адамова.