Ретро фото. Тукай ягы керәшеннәренең “Сука калагы” бәйрәме

Чәчү башланганда уздырыла торган йола-гадәтләр шулай ук барлык халык өчен дә хас. Керәшеннәр арасында җыйналып келәү итү, орлыкларны имләү башкарылган. Ул бергәләп сыйлану – шыйлык белән төгәлләнгән. Калганнарда мондый йола сакланмаган.

Ләкин чәчүгә төшәр алдыннан, күбесендә басуга тазарынып чыгар өчен, кичтән мунча ягу гадәте бар. Чәчүгә төшәсе кеше чиста киемнәр кия. Бу көнне каршыга очраган кешегә, чәчү уңышлы булсын дип, пешкән күкәй бирәләр. Чәчүче, мул уңыш теләп, орлык белән бергә җиргә йомырка ыргыта. Аннары күрше-күлән бергә җыелып ашап ала, аны мондый теләк белән төгәллиләр: «Хәерле яңгырлар булсын, еллар тыныч булсын, җыярга көннәре булсын, орлыклар йомырка кебек түгәрәк булсын».