Зур Тәрбит авылында әниләр көне уңаеннан концерт булган

Мәктәп укучылары, балалар бакчасына йөрүче нәниләр матур итеп шигырьләр сөйләп, җырлап, биеп әниләренә, әбиләренә концерт куйганнар.

«Бу бәйрәмне оештыруда укытучылары Лилия, Гөлназ апалары һәм Ильдар абыйларының рольләре зур иде. Мәдәният йорты мөдире Мухина Марина уеннар уйнатып, бүләкләр таратты. Залда утыручы әниләр, әбиләр тын да алмый балалары, оныклары эчен шатланып, горурланып утырдылар», — дип хәбәр итте Зур Тәрбиттән Радмира Мойсеева.