Зәй кызы Светлана Журавлева замана белән бергә атлаучы талантлы педагог

Аны 1985 елда тәмамлап туган ягы Зәйгә кайта. Светлана Михайловна беренче педагогик хезмәтен Түбән Лоҗы башлангыч мәктәбеннән башлап җибәрә. Аннан үз туган авылында яңа ачылган “Умырзая” балалар бакчасына җитәкче итеп билгеләнә. 1991 елдан башлап Сарсаз-Баграж мәктәбендә башлангыч класста укыта башлый.

“Эш дәверемдә тарих, рус теле, татар теле укытырга, музей эше белән эшләргә дә туры килде. Хәзерге вакытта 38 ел стажым булган югары белемле башлангыч класслар укытучысы. Үз эшемне бик яратам, һәрдаим үз өстемдә, белемемне камилләштерү, балаларга сыйфатлы белем бирү өстендә эшлим. Балалар белән төрле бәйгеләрдә катнашабыз, кызыклы чаралар оештырабыз”, – диде Светлана Михайловна.

Аның уңышлары күп санлы Рәхмәт хатлары, мактау кәгазьләре, Татарстан Мәгариф министрлыгы мактау грамотасы белән бүләкләнә. Ул һәрвакыт эзләнүдә, замана белән бергә атлаучы педагог.