Владимир Путин укытучыларның яшь буынны тәрбияләүдәге ролен аерым билгеләде

«Фидакарь хезмәтегез өчен бик зур рәхмәт. Балаларның үзләрен бердәм команда итеп хис итүендә, тормышта таяныч алуында остазларның роле зур. 2024 елның 1 сентябреннән мәктәпләрдә һәм колледжларда директорларның тәрбия буенча барлык киңәшчеләренә аена 5000 сум өстәмә федераль түләү кертергә тәкъдим итәм», – дип белдерде ил башлыгы. 

Шулай итеп, бу елның 1 мартыннан сыйныф җитәкчелеге алып баручы  белгечләргә һәм төркемнәр белән кураторлык өчен федераль түләүне 10 мең сумга кадәр, ике тапкыр артырга мөмкин. Бу хакта «Мәгариф» һәм «Гаилә һәм мәктәп» журналларының берләштерелгән порталы хәбәр итә.