Викталина Кузнецова: «Армиягә китүче егетләргә дип чиккән кулъяулыкларым әле дә саклана»

Викталина Кузнецова – Түбән Кама районының Келәтле авылы кызы. Чистай районындагы Каргалы авылы егетенә кияүгә чыккан.

«Элек кияүгә китүче кызлар бирнәлекне алдан ук әзерлиләр иде. Әниләр безне бәләкәй чактан ук «кияүгә чыгу өчен бирнә әзерләргә кирәк», дип үстерделәр. Кияүгә кайчан чыгасын белгән юк, әмма бирнәлек әзер булырга тиеш иде. Шуңа да, кул эшләренә без бик иртә тотындык. Мин тәре алҗапкычын гади ак тукымага канва белән чиктем. Чигеп бетергәч, канваның җепләрен тартып аласың да, чигеш тип-тигез булып кала. Бистәрләр дә чиктем. Без яшь чакта армиягә китүче егетләргә чигүле кулъяулык бирү гадәте бар иде. Икесе әле дә  үземдә саклана, армиягә китүче егетләр күп булмаган, күрәсең».

Зур Афанас авылындагы «Серле мәләнчек» керәшен фольклор ансамбленә йөрдем.  Үзебезнең әбиләр, әниләр җырлаган көйләр, җырулар югалмасын дип, тырышабыз»,– дип сөйләгән иде Виталина түти.