Вадим Захаров балалар йортында булып кайткан

Шушы көннәрдә Вадим Борисович дуслары белән балалар йортына барган. Алар балаларга тәм-томнардан табын корып, зур казанда плов пешереп, концерт куеп кайтканнар.

«Шул хәтле күңелле булды. Бик дулкынландыргыч. Балалар кушылып җырлый, бии. Күңелле ял булды», – дип язган ул социаль челтәрендә.

Видео астында җылы комментарийлар да күп:

«Балаларны шатландырган кебек, үзегез дә әйләнеп кайтсын изге гамәлләр»; «Саваплы эш,изгелек кылгансың, яхшылыгың үзеңә меңе белән кайтсын, үзеннең эшләрең һәрвакыт уң булсын, гади булып, халык күңелен матур моңлы җырларың белән яулап ал», «Афәрин. Үзегезгә меңе белән кайтсын» дип язып калдырганнар.