Үри китапханәсендә матурлыкны чын куңелдән яратучылар эшли

Анда үскән чәчәк композицияләре күзләрне камаштыра, күңелләргә дә рәхәтлек өсти, кәефне күтәрә.  Димәк, бездә матурлыкны чын куңелдән яратучы, аны үз куллары белән тудыручы кешеләр эшли.

“Чәчәкләр җәй буе, тирә-юньгә ямь биреп, шаулап утыралар. Без аларга көн дә су сибәбез, чүп үләннәрдән арындырабыз, алар белән сөйләшеп йөрибез, чөнки чәчәкләр җанга тынычлык бирәләр, кәефебезне күтәрәләр. Кашкарыйлар, ап-ак ромашкалар, аллы-гөлле лаләләр, төрле төстәге лилияләр тирә-якка ямь биреп, тормышыбызны бизәп торалар. Моның өчен матурлыкны күрә, йөрәгең белән тоя белергә кирәк”,– ди китапханәче Рузилә Вәлиуллина.