Үрәсбаш балалар бакчасындагы табигать почмагы чәчәкләргә бик бай

Балалар бакчасында, балаларда бүлмә гөлләренә карата сак караш тәрбияләү, бүлмә гөлләрен үзләренә генә хас үзенчәлекләре буенча танып, бер-берсеннән аерырга өйрәтү, кеше тормышында аларның әһәмиятен аңлату буенча зур эш алып барыла.

“Җирдә йөзендә яшәүче һәр кеше матурлыкка соклана, табигатькә тартыла. Матурлыкны күрә белүне балага сабый вакыттан ук өйрәтергә кирәк. Безнең балалар бакчасында бу эш көн үзәгендә тора. Балалар белән матур-матур гөләэр үстерәбез. Гөлләрне утырту белән һәр көнне аларның үсешен күзәтәбез. Сулар сибәбез, төпләрен йомшартабыз. Гөлләрдә беренче чәчәкләр күренгәч, балаларыбызның куануларын күрсәгез! Үзе бер бәхет!. Алар янына утырып сөйләшәбез, матурлыкка сокланабыз, сакчыл караш тәрбиялибез”,– диде ул.