Туңылҗа авылы каршындагы кач аруландырылган

Авыл халкы өчен бу вакыйга бик шатлыклы мизгелләрнең берсе булып истә калган. Качны аруландыру тантанасын оештыруда Туңылҗа авылыннан Николай Селиверстов зур тырышлык куйган. Аруландырудан соң, барлык халыкны Николай Никифорович әле үз өендә кунак та иткән. Аның хатыны Резидә Имаметдиновна кунакларны мул табыннар әзерләп каршы алган. Әзерләгән ризыклары, көләч якты йөзләре кунакларның күңелләрендә җылы хисләр уяткан. 

"Качны аруландырган өчен авыл халкы исеменнән зур рәхмәтләр әйтеп, олы хөрмәт белдерәбез. Ул кач авылыбызны саклап, кайткан һәм киткән барлык кешеләрне бәла-казалардан сакласын", — дип әйтте Мария Мрясова. 

 Ләйсән Сафина фотолары.