Туймазыда да «Туганайлар»ны укыйбыз

— Ике ел инде «Туганайлар» гәҗитен яздыртып алам. Башкортстанда яшәгәч, гәҗит озграк, урау юллар аша үтеп килә. Чөнки безнең Туймазыда «Туганайлар»га почтада язылып булмый. Гәҗитне Казаннан, редакциядә конвертка салып җибәрәләр. Хәбәрләрне баш редактор Юлия Юрьевна телефон аша да юллап тора, рәхмәт

Почтальон китергәч, конвертны сөенә-сөенә ачам, сөенеп укыйм. «Туганайлар» — керәшеннәрне алга җибәрә торган гәҗит, үзебезгә якын нәрсәләр языла анда. Үз телебез булып торсын, сөйләшүләребезгә кадәр матур безнең. «Белемнек»тә чиркәү-керәшен телендә дә языгыз. Андагы иманнар безгә кирәк. Өйдә дә укыйм, үземчә. 

Кешеләр тормышы турында языгыз. Файдалы киңәш куйсагыз да яхшы — без олы кеше телефоннан түгел, гәҗиттән карап кына пешерәбез. 

Гәҗитләрнең берсен дә әрәм итмәдем, җыеп барам.