«Туганайлар»ны бергәләп укыйк

Көн җилле булса да, без иртүк үзебезнең яраткан бакчабызга, килдек. Безне «Ару гына килдегезме, балалар», — дип тәрбияче апаларыбыз каршы алды.

Бакчабыз җитәкчесе, барыбызны да яратучы Люба апа белән бергәләп, әле яңа гына килгән «Туганайлар» газетасын, андагы фотоларны карадык. Ул безгә: «Бу — керәшеннәр газетасы, аңа бар кеше дә язылырга тиеш», — дип әйтте. Безнең әти-әниләр керәшен газетасына язылды инде.

Дәдәйләр, түтиләр! Ә сез "Туганайлар"га язылдыгызмы? Онытмадыгызмы? Оныткан булсагыз, безнең шушы фотога карагыз да, тизрәк газетага язылыгыз. Безнең Үрәсбашта яшәсәгез дә, Кукмарада яки башка урында торсагыз, "Туганайлар"ны бергәләп укыйк.