Түбән Юшадылылар игелекле эштә катнашкан

Бу игелекле эш авыл җирлегендә яшәүчеләрне, хәтта зур теләк һәм тырышлык белән катнашкан балаларны да битараф калдырмаган.

«Без һәрвакыт бердәм, тату яшибез. Бу юлы да үз коллегаларыбызның чакыруына сөенеп риза булдык. Концертта җыелган акчалар авыр яраланган, бүгенге көндә госпитальдә дәваланучы махсус хәрби операциядәге егетләрнең әти-әнисенә тапшырылачак. Авылдашларга ярдәм итү батыр сугышчының савыгуына ышаныч уята. Без үз чиратыбызда, мөмкин булганча, ярдәм итә алуыбызга һәм дөньялар тыныч булырына өметләнәбез», — дип хәбәр итте Түбән Юшадының клуб мөдире Наталья Чепкасова.