Татьяна Ефремова: Әтием - миңа үрнәк!

Бәйрәм көне уңаеннан, "Керәшен чибәре-2016" Татьяна Ефремова үзенең инстаграмына әтисе турында пост язып элде. Яшь җырчы өчен әтисе үрнәк һәм иң тугры фанаты булып тора икән.

"Күптән инде әтием турында пост язасым килеп йөрдем. Күп кенә психологих китаплар, видео-лекциялар тыңлагач, әти-әтиемнең миңа дөрес тәрбия биргәннәренә инандым. Бигрәк тә  гаиләдә әти кешенең балага карата карашы, кешенең киләчәктә шәхес буларак формалашуының нигезе булып тора. Янәшәмдә әтием булганда мин һәрвакыт тыныч. Ул тәүлекнең теләсә кайсы вакытында миңа ярдәм кулын суза.

Әтием иҗатымның иң тугры фанаты. Ул һәр кич саен минем җырларымны тыңлый, клипларымны карый. Бер генә чыгышымны да калдырмый диярлек. Минем өчен нәкъ менә Әтием чын ир-ат эталоны булып тора." - дип язган Таня.