Светлана Максимова бакчага йөрүче балаларны керәшен мәдәнияте белән таныштырды

Балалар бакчасында Халыклар бердәмлеге көне уңаеннан бәйрәм чаралары уздырыла.

Балалар Татарстан Республикасында яшәүче милләтләрнең уеннарын, җырларын, йолаларын күрсәтәләр һәм алар үзара ничек дус яшәүләре турында сөйлиләр.

Көек бистәсендә яшәүче карендәшебез Светлана Максимова үз кызы йөри торган балалар бакчасында бәйрәмдә булган.

«Бер бәйрәм дә кунаксыз булмый бит! Бүген безне дә Мелания кызыбызның бакчасында Халыклар бердәмлеге көне уңаеннан оештырылган, бәйрәмгә чакырдылар. Тәрбиячеләр миннән бәйрәмдә керәшен культурасын тәкъдим итүне сорадылар. Балаларны керәшенчә «Арумысез!» дип, исәнләшергә өйрәттем, «чабата» уенын уйнадык һәм балаларны элгәредән килгән милли ризыгыбыз шишара – печенье белән сыйладым», – дип сөйләде Светлана Максимова.