Субаштан Олег Степанов үзе ясаган трактор белән кар чистарта

Балтач районының Югары Субаш авылы халкы, аларның тормышы һәм көнкүренешләре белән таныштык.Төзек йортларны, чиста тигез юлларны, һәр капка төбендә тукталган җиңел машиналарны күреп, булдыклы халык яшәвен дә чамаладык.

Авылда үзләре ясаган тракторлардан файдаланучы кешеләр дә күп. Туганнарына, күршеләренә язгы-көзге эшләрдә ярдәм итәләр икән. Шундыйлардан Олег Степановны әйтеп китәргә кирәк. Ул йортында кар чистарту белән мәшгуль. Без  тракторына утырып карарга да өлгердек.

«Үзем иске машиналар сатып алып, шулардан трактор җыеп чыктым. Улым да, үзем дә йөрибез, авылда эш бетми, кар көрибез, җир сөрәбез трактор белән», — диде Олег Ильич.