Сәвәләй халкы үз авылының ак дәдәйләрен сайлады

«Аның барышында авылга ак дәдәйләр сайланып куелды — Володя Кашаев һәм Иван Смирнов. Алар авылда узган барлык чараларда да катнашачак. Авылдашлар үзләрен борчыган соруларын авылыбызның ак дәдәйләренә бирә ала. Җыелышта махсус хәрби операциядә катнашучыларга ярдәм итү турында сөйләшүләр булды», — дип хәбәр иттеләр Сәвәләй авылы клубы хезмәткәрләре.

Элек, колхоз вакытында, авылдагы мондый кешеләрне староста дип тә йөртгәннәр. Ак дәдәй, дип, керәшеннәр хөрмәткә лаеклы һәм төпле булган әти яклары туганнарының өлкәннәренә эндәшкәннәр. Димәк, Сәвәләйлеләр сайлаган ак дәдәйләр дә халык ышанычын яулаган ир-атлар.

Мәдәният йортының фойесында күркәм күргәзмә эшләп куйганнар. Анда күренекле авылдашлары хакында, керәшен йолаларына кагылышлы язмаларны, картиналарны җыелышка килүчеләр бик теләп караганнар.