Сарсаз Багражда «Килен сөлгесе чыгару» йоласын башкарганнар

 Йорттагы мендәр тышлыклары да, тәрәзә пәрдәләре, алъяпкычлар, кул сөртә торган сөлгеләр, тәре аллары да чигеп бизәлгән бит. Бизәкләренә карасаң шаккатмалы: һәрберсе үзенчәлекле, катлаулы, бер-берсен кабатламый. Кызлар мондый әйберләрне кияүгә киткәнче бирнә итеп чиккән булсалар, яшь киленнәр уңганлыкларын күрсәтеп сабантуйларына, авыл көннәренә, бәйрәмнәргә чиккәннәр. Бу гадәт кайбер авылларда  хәзер дә саклана.

“2 июнь көнне авылыбызда бик матур йола үткәрелде, ул "Килен сөлгесе чыгару" дип атала. Баграж авылларына килен булып төшкән уңган кызлар сабантуена чыгарырга дип күз явын алырлык сөлгеләр чиктеләр”, – дип яздылар Сарсаз Баграж авылы мәдәният хезмәткәрләре.