Россия университетлары абитуриентларны өстәмә бюджет урыннарына кабул итә башлады
Россиянең белем бирү учреждениеләре өстәмә рәвештә 5800 бюджет урыны әзерләде, кабул итү 29 августка кадәр төгәлләнә, дип белдерде РФ вице-премьеры Дмитрий Чернышенко. Бу хакта РИА Новости агентлыгы хәбәр итә.
РФ Фән һәм югары белем министрлыгы элегрәк хәбәр иткәнчә, Россиядәге күп кенә университетлар бюджет урыннарына абитуриентлар туплауны инде туктаткан, югары уку йортларына кабул итү кампаниясенең якынча нәтиҗәләре узган елгысыннан яхшырак булган.
«Бүгенгә белем бирү оешмалары 5800 бюджет урынына өстәмә рәвештә абитуриентлар кабул итәчәге турында белдерде. Ул 29 августта төгәлләнә», — диде Чернышенко Хөкүмәт башлыгы Михаил Мишустин һәм РФ вице-премьерлары катнашындагы киңәшмә барышында.
Россия университетлары 4 августтан абитуриентларны бюджет урыннарына кабул итә башлады. Конкурстан узучылар 9 августтан да соңга калмыйча кабул ителде. Университетка коммерция нигезендә 20 августка кадәр укырга керү мөмкинлеге бар.
РФ Фән һәм югары белем министрлыгы мәгълүматлары буенча, быел 621 мең бюджет урыны бирелгән, шуның 73 проценты Россия төбәкләрендә бүленгән. Аларның күбесе Татарстан (23 083 урын), Свердловск өлкәсе (19 728 урын) һәм Ростов өлкәсе (18 352 урын) югары уку йортларына бүлеп бирелгән. Россиянең яңа төбәкләрендәге университетларга 29 304 урын билгеләнгән.
Бюджет квоталарының күбесе белем бирү һәм педагогика фәннәре (4849), информатика һәм исәпләү техникасы (1437), шулай ук авыл, урман һәм балык хуҗалыгы (1293) кебек юнәлешләргә бүленгән.
Следите за самым важным и интересным в Telegram-каналеТатмедиа
Керәшен дөньясындагы яңалыкларны ВКонтакте, Телеграм-каналда карап барыгыз.
Хәбәрләрегезне 89172509795 номерына языгыз, шалтыратып әйтегез.
Подробнее: http://tuganaylar.ru/news/novosti/aybagyru-byt
Подробнее: http://tuganaylar.ru/news/novosti/aybagyru-bytсоциаль челтәрләрендәге группалардан укып, белеп барыгыз.
Нет комментариев