Үри Чаллысы өлкәннәре табигать кочагында ял иттеләр

Олы яшьтәге кешеләргә игътибарны юнәлтү, булышу, күрешү, хәлләрен белү, сөйләшеп утыру, матур һәм җылы сүз әйтү бик кирәк. Балык Бистәсе районының Бирдебәк авылы мәдәният йорты җитәкчесе Евдокия Толстова Үри Чаллысы авылында өлкән яшьтәгеләр белән табигать кочагына сәяхәт оештырган.

“Көн шундый матур! Иртәдән бирле сәяхәткә генә барасы килеп тора. Табигатьтә уйнап-көлеп, сыйланып, фотоларга төшеп, ял итеп, язгы табигатьнең матурлыгына сокланып вакыт үткәне сизелмәде дә . Бездәге халык шатлыкларны бүлешеп, хәсрәтләрне уртаклашып бер-берсен хөрмәт итеп, бердәм булып, матур итеп яши белә”, – дип хәбәр итте ул.