Ретро-фото. Надежда поселогыннан Харитоновлар

Корноухово районы 1954 елның 22 ноябрендә юкка чыгарыла, ә аның җирләре Балык Бистәсе һәм Лаеш районнарына кушыла. Соңгы кешеләре 1961 елда күчеп киткән Надежда поселогы да җир йөзеннән юкка чыга.

Фотодагы кулына гармун тоткан малай – Яков (1936 елгы). Аның янәшәсендә – гаилә башлыгы, сугыштан сул кулы имгәнеп кайткан Петр Иванович (1900 елгы). Яулыгын артка чөеп бәйләп, муенына тамакса такканы – аның хатыны Ольга Ильинична (1907). Аларның уртасында – икенче уллары Павел (1939 елгы), ә артта басып торганы – олы кызлары Александра (1924 елгы).