Олы Тәрбиттән карендәшләребез «Иң яхшы керәшен ансамбле» номинация җиңүчеләре - видео

«Татарстан» журналы «Татмедиа» янындагы скверда уздырган концертта басма версиясе буенча республикабызның иң яхшы фольклор ансамбльләре исемнәрен атады. Җиңүчеләрне журнал укучылары онлайн-тавыш бирүдә билгеләгән. Бәйгедә утызга якын коллектив катнашкан. Алар арасыннан иң-иңнәрен сайлап алганнар. Җиңүчеләр арасында Кайбыч районының Зур Тәрбит авылыннан «Тәңкәләр» фольклор ансамбле дә бар иде. Алар «Иң яхшы керәшен ансамбле» номинациясендә җиңделәр. 

«Бу конкурс турында ишеткәч, катнашып карарага булдык. Көтмәгәндә, уйламаган гына җиңдек. Бүген монда чакыргач, килергә булдык. Бүләкләр, диплом белән кайтып китәбез. Бик ошады, күңелебез булды», – дип сөйләде ансамбль солистлары.

Аларга дипломны шарыйрә, «Татарстан» журналының әдәби мөхәррире Луиза Янсуар тапшырды.

Чарадан карендәшләребез «Татмедиа» бинасында эшләүче безнең «Туганайлар» редакциясенә кереп чыктылар. Баш редактор Юлия Губина аларга редакция буенча кыскача экскурсия оештырды.