Өлкәннәрне кайгыртып

Республикадагы сәламәтлек саклау тармагының төп бурычы — халыкның гомер озынлыгын арттыру. Бу уңайдан, республикада яшәүчеләрнең вакытында профилактик медицина күзәтүе һәм диспансеризация үтүе мөһим.

Хәзерге вакытта Татарстанда хезмәт яшен узган кешеләрдән 523 мең 821е диспансеризация үткән. Бу — өлкән яшьтәгеләрнең 56 проценты, дигән сүз. Шулар арасыннан, беренче мәртәбә, 30 процентының кан әйләнеше системасы авыруларыннан интегүе ачыкланган. Шулай ук, диспансеризация барышында яман шеш авырларының 1 мең 547 очрагы билгеле булган. Бу төр медицина үткән өлкәннәр арасыннан әле чиргә дучар булучыларының 60 процентында аны I-II стадиясендә ук ачыклый алганнар. Димәк, дәвалауның яхшы нәтиҗәгә китерәчәгенә өмет зур.

Татарстан сәламәтлек саклау министрының беренче урынбасары Альмир Абашев та катнашкан бу брифингта хроник чирләре булган, шул исәптән COVID-19 белән авырган өлкәннәргә җентекле диспансеризация уздыруның дәвам итүе турында да телгә алынды.