Мәләкәстә окоп шәмнәре ясауны дәвам итәләр

Окоп шәме – ул кыр шартларында җылылык һәм яктылык чыганагы. һәркем кулыннан килгәнчә хәрбиләргә ярдәм кулы сузарга тырыша.

“Без яңадан окоп шәмнәре ясау эшен башлап җибәрдек. СВОда катнашучыларга яктырту, җылыту, ризыкны җылыту, суны кайнату  өчен шәмнәр кирәк. Без моны аңлап, үзебездән ярдәм булыр дип тагын шушы эшкә тотындык.  Авылыбыз хатын-кызлары бу эшкә чын күңелдән бирелеп, теләп катнаша. Безнең кадерле яклаучыларыбыз өчен бөтен йөрәге һәм җаны белән борчылган хатын-кызларыбызга зур рәхмәт. Игелекле йөрәкләре һәм яхшылыкка хезмәтләре өчен рәхмәт аларга”,– дип яздылар Мәләкәс мәдәният йорты хезмәткәрләре.