Мактана белеп мактану

Шулай берсендә, төшке ашны капкалап чыкканнан соң, берничә язучы бакча эчендәге эскәмияләргә таба юнәлдек. Иң алдан атлап баручы Гәрәй Рәхим кинәт кенә “тып” итеп туктап калды. Шул мәлдә үк, тирә-якны яңгыратып, кычкырып җибәрмәсенме: – Күрегез әле, егетләр, мине кайда да яхшы беләләр бит, ә!.. – Ни булды? – дип аның тирәсендә бөтерелә Марсель Галиев, язарына азык өмет итеп. – Укы, дустым.  “О, керәшен, о!” дип минем хакта язып куйганнар бит әнә... Марсель эскәмиягә ябыштырылган уч төбе хәтле генә кәгазь кисәген укый да, эчен тотып көлә башлый. Анда “Окрашено!” дип язылган була. Молодец, мактана белеп мактана безнең керәшен егете!

Рашат НИЗАМИ, язучы.