Любовь Павлова: «Авыл тормышының тәмен тоеп, сөенеп яшим»

Һәр җирлектә авыл өчен җан атып яшәүче, авыл халкының тормышына битараф булмаган актив карендәшләребез бар. Кукмара районының Үрәсбаш авылында гомер итүче, балалар бакчасы мөдире булып эшләүче Любовь Павлова да шундыйлардан. Аны авылда да, районда хөрмәт итәләр. Шушы көннәрдә генә авыл җирлеге башлыгы В.Сафаров исеменнән Рәхмәт хаты да тапшырылган аңа.

Хатта: «Сезгә авыл тормышы өчен янып яшәвегез, җәмәгать эшләрендә актив булуыгыз өчен олы рәхмәтебезне белдерәбез. Киләчәктә дә яшьләрдә туган якка мәхәббәт, Үрәсбашыбыз белән горурлану хисләре тәрбияләрсез дип ышынабыз», – диелгән.

Любовь Николаевна: «Мин авылда яшәвем белән горурланам, авыл тормышының тәмен тоеп, сөенеп, рәхәтләнеп яшим. Дөньялар имин, сәламәт булыйк», – ди.