Лилия Васильевадан керәшен тәбәсе рецепты

"Керәшен тәбәсен пешерә белү - безнең якның элек-электән килгән бер матур йоласы ул",.–  диләр Субашлылар. Ә Лилия Васильева пешергән тәбә иң тәмлеседер.

"Уртача зурлыктагы таба өчен 300 грамм сөт, 5-6 йомырка, 25 грамм чи чүпрә, 3 аш кашыгы шикәр комы, 1 бал кашыгы тоз, 4 аш кашыгы сыек май, 500 грамм он, 250 грамм сыер мае, 1 кап көпшәкләндергеч (разрыхлитель) алына.

Сөтне аз гына җылытып, чүпрә, шикәр комы салабыз. Йомыркаларны әйбәтләп туглап, тоз, сыек май, онны сөткә салып, куе сөт өсте (каймак) хәленә килгәнче камыр ясыйбыз. Бер сәгатькә кабартырга куябыз. Кабарган камырга көпшәкләндергеч өстәп, җайлап кына болгатабыз һәм тагын җылытылган табага салып кабартабыз. 15 минут тирәсе.

180-200 градуска кадәр кызган мичтә пешерәбез. Кызарып, кабарып пешкән тәбәбезне шакмаклап кисеп, өстенә эретелгән сыер мае сибәбез. Май күп кирәк", .– дип рецепт белән бүлеште ул.

Чыганак