Лидия Әхмәтованың алоэ гөле шаккатырган

Россиянең атказанган, Татарстанның халык артисты, Татар дәүләт филармониясенең джаз оркестры, "Сәлам" фольклор ансамбле җитәкчесе Лидия Алексеевна Әхмәтова сәнгать өлкәсендә йолдыз, өендә оста хуҗабикә, тәҗрибәле бакчачы да.

- Мин бакчасыз, андагы эшләрсез тора алмыйм, җирдә эшләргә бик яратам. Бик күп төрле яшелчә, җимешләр үстерәбез. Быел бакчабызда үсеп утыра торган талыбыз да роза чәчәкләре шикелле яфрак ярды. Ә өйдә инде ничә еллар үсеп утыра торган алоэ гөле чәчәк атты. Искиткеч!, - дип сөйләде җырчы. 

Алоэ гөле бик сирәк чәчәк ата торган үсемлек. Ул 100 елга бер генә тапкыр чәчәк ата икән. Кайбер мәгълүматлар буенча, алоэ гөле чәчәк аткан йортка бәхет киләчәк.