Кышкы Микула белән бәйле сынамышлар

Бу – Изге Николайның җанын Ходайга биргән көне. Барлык христианнар да бу көнне зурлап билгеләп үтәләр. Безнең керәшеннәрдә – Кышкы Микула бәйрәме дип йөртелә. Кайбер җирләрдә аны Микулун дип тә атыйлар

Халык Изге Николайны – Иисустан соң, кешеләрне яклаучы, игенче һәм терлекчеләрнең булышчысы, сәяхәтчеләрнең, диңгезчеләрнең коткаручысы итеп таный. Ул чын күңелдән ышанып ярдәм сораучыга тиз арада булышлык күрсәтә.

Кышкы Микулы нинди булса, җәйге Микулы да шундый була.

Микулыдан каты салкыннар башлана.

Микулыда буран булса, кыш буе буран була.

Микулыга каршы бәс булса, солы яхшы уңа.

Микулыда бәс булса, барлык игеннәр дә яхшы үсә.

Киләсе елга муллык юрыйк!