«Кряшен чибяре» Анастасия Шумитова Бөтенроссия конкурсында керәшен җыруы башкарган

Әлеге конкурста Мамадыш районының «Кряшен чибяре-2023» титулы иясе, музыка укытучысы Анастасия Шумитова да катнашкан. Ансастасия үзе Мамадыш районының Ташлыяр авылында туып-үскән, бүгенге көндә Яр Чаллы шәһәренең 39нчы мәктәбендә музыка укыта.

«Конкурс турында белеп алгач, катнашырга булдым. Монда солистлар, инструменталистлар, ансамбльләр чыгыш ясады. Мин керәшен җыруы «Өмә көе»н акапелло башкардым. Чыгыш ясагач, жюридагылар «бик матур җыр, дөрес сайлаганың» дип әйттеләр, киңәш тә бирделәр. «Мелодии мира» конкурсында III дәрәҗә лауреат булып, дипломга һәм кубокка ия булдым. Үземнең профессионал осталыгымны арттыру өчен, Россия күләмендәге мондый конкурсларда алга таба да катнашырга дигән фикергә килдем», – дип язды карендәшебез Анастасия Шумитова.