Кирәкмәгәнне уйламагыз, юк-барга борчылмагыз (йолдызнамә)

Кучкар (21 март — 20 апрель) 
Абруегызга тап төшермәс өчен хисләрегезне йөгәндә тотыгыз. Тыныч булыгыз! Бу атна сезгә бик зур сөенеч алып килә!

Үгезбозау (21 апрель — 20 май) 
Намуслы булуыгыз һәм тиешле урында тиешенчә сөйләшә белүегез нәтиҗәсендә, карьерада бер баскычка күтәрелерсез.

Игезәкләр (21 май — 21 июнь) 
Тәҗрибәгезгә һәм белемегезгә таяныгыз, шул чакта иң авыр мәсьәләләрне дә җиңел ерып чыгарсыз.

Кысла (22 июнь — 22 июль) 
Кирәкмәгәнне уйламагыз, юк-барга борчылмагыз. Эчке гармония сезгә күп нәрсәгә ирешергә ярдәм итәр.

Арыслан (23 июль — 23 август) 
Ниһаять Арысланнарга үзләрен күрсәтү өчен шәп форсат туачак. Әмма чама белегез!

Кыз (24 август — 23 сентябрь) 
Хәйләкәрлегегезне эшкә җиксәгез, теләсә нинди мәсьәләне үз файдагызга «борып» куя аласыз.

Үлчәү (24 сентябрь — 23 октябрь)
Өстегезгә өстәмә җаваплылык алмагыз, аз гына шикләнсәгез дә, җитди документларга кул куймый торыгыз.

Чаян (24 октябрь — 22 ноябрь) 
Нәтиҗәләр сезне куандырсын дисәгез, дөньяга карашыгызны үзгәртегез: бар нәрсә дә ак һәм кара төсләрдә генә булмавын аңлагыз.

Укчы ( 23 ноябрь — 21 декабрь) 
Интуициягезне тыңлагыз, ул сезгә кайсы өлкәдә күбрәк тырышырга, көч куярга икәнлеген әйтер.

Кәҗәмөгез (22 декабрь — 20 гыйнвар) 
Әйләнә-тирәдәге һәр вакыйгага позитив карарга тырышыгыз, бу сезнең җиңүгә юлыгызны кыскартыр.

Сукояр (21 гыйнвар — 18 февраль) 
Хис белән акыл арасында баланс (тигезлек) табарга тырышыгыз, шул чакта бик-бик күптәнге мәсьәләне бик җиңел хәл итәрсез.

Балык (19 февраль — 20 март) 
Акчагыз янга калсын дисәгез, кибеттә бар ялтыраган әйбергә барып ябышмагыз, кирәклесен генә алыгыз.

Шәһри Казан