«Керәшен хатын-кызларының киемнәре» экспозициясе Бөтенрәсәй күргәзмәләр конкурсында катнаша (видео)

Түбән Каманың «Заман» уку һәм аралашу үзәгендә Халыклар бердәмлеге көне уңаеннан, "Керәшен хатын-кызларының милли киемнәре" дип аталган экспозиция әзерләнгән.

Үзәккә килүчеләр, күргәзмәне карап, керәшен милли кием-салымнары турындагы китаплар, керәшен хатын-кызларының бәйрәмнәрдә, көнкүрештә киенү үзенчәлекләре, кием-салым мисаллары һәм аксессуарлары белән таныша ала. 

Экспонатларны әзерләүдә исә Түбән Кама районы керәшеннәре оешмасы ярдәм иткән.

"Заман" үзәге хезмәткәрләре күргәзмә турында видеоролик та әзерләгәннәр. Әлеге ролик "Виртуальный тур по многонациональной России" дип аталган Бөтенрәсәй этнокультуралы күргәзмәләр конкурсында катнаша. Аны сезгә дә тәкъдим итәбез.

Фото, видео: Центр чтения и общения "ЗАМАН"